మధుమేహం అంటే ఏమిటి?
మీ శరీరం తగినంత ఇన్సులిన్‌ను తయారు చేయనప్పుడు లేదా శరీరం తయారుచేసే ఇన్సులిన్‌ను సమర్థవంతంగా ఉపయోగించలేనప్పుడు మధుమేహం సంభవిస్తుంది. ఇన్సులిన్ అనేది ఒక హార్మోన్. ప్యాంక్రియాస్ అనే గ్రంధి ఇన్సులిన్ హార్మోన్ ని ఉత్పత్తి చేస్తుంది. ఇన్సులి ఆహారం నుండి గ్లూకోజ్ శక్తి కోసం మీ కణాలలోకి ప్రవేశించడానికి సహాయపడుతుంది. తగినంత ఇన్సులిన్ లేనప్పుడు లేదా కణాలు ఇన్సులిన్‌కు ప్రతిస్పందించడం ఆపివేసినప్పుడు, రక్తంలో చాలా చక్కెర ఉండిపోతుంది. కాలక్రమేణా, ఇది తీవ్రమైన ఆరోగ్య సమస్యలను కలిగిస్తుంది.
మధుమేహం మూడు రకాలు
• టైప్ 1 డయాబెటిస్: ప్యాంక్రియాస్ ఇన్సులిన్ ఉత్పత్తి చెయ్యలేన్నప్పుడు వచ్చే పరిస్థితి. ఇది సాధారణంగా బాల్యం లేదా కౌమారదశలో కనిపిస్తుంది.
• టైప్ 2 డయాబెటిస్:ప్యాంక్రియాస్ ఇన్సులిన్ ఉత్పత్తి చేస్తున్నప్పటికీ , శరీరం ఇన్సులిన్‌కు నిరోధకతను కలిగి ఉంటుంది . ఇది పెద్దవారిలో ఎక్కువగా కనిపిస్తుంది .
• గర్భధారణ మధుమేహం: గర్భధారణ సమయంలో అభివృద్ధి చెందే మధుమేహం. సాధారణంగా ప్రసవించిన తర్వాత తగ్గిపోతుంది.